Dr Buuch u z'Härz meh
funktional,
entscheide tüe mir
rational
Es güetigs Härz het ke
Belang,
es zeut was hesch i
Chopf u Hang
Au di Diplom u
Mastertitu
si viu meh Ziel aus nume
Mittu
U Wärte suecht me um
sech um,
doch d'Stimm i sich
schautet me stumm
Mit
soviu Hirn, soweni Härz
da
geit's mit üs ganz schnäu abwärts
Di schöne Wort „i ha di
gärn“
bruucht's
nümme gross, si si vo färn
Mir meine „ig“ u „aus,
sofort“
sig Wäg zum Glück, sig
Schlüssuwort
Doch isch es Härz sich
niemaus gnue,
es bruucht es Vis-a-vis
derzue
Aber dr Ego het's
vergässe,
isch glii bim Psycholog
de gsässe
Für Emotione
z'zelebriere
tüe mir im Netz viu
kommentiere
Dert lö mir use was mir
gspüre,
zu auem wo mir nid gseh
düre